დათუნია

თავისუფალი ქართულენოვანი ენციკლოპედია ვიკიპედიიდან

? დათუნია
Russula vesca
მეცნიერული კლასიფიკაცია
სამეფო: სოკოები განყოფილება: ბაზიდიუმიანი სოკოები კლასი: აგარიკომიცეტები რიგი: ხრაშუნასოკოსნაირნი ოჯახი: ხრაშუნასოკოსებრნი გვარი: ხრაშუნა სოკოები სახეობა: Russula vesca
ლათინური სახელი
Russula vesca

დათუნია (ლათ. Russula vesca) — Russula-ს რიგის სოკო.

ქუდი 10 სმ-მდე დიამეტრისაა, ჯერ ამობურცული, შემდეგ კი — გაშლილი, კიდეები სადა ან დაღარული, არათანაბრად არის შეფერილი, მოწითალო-ხორცისფრიდან მურამდე. ფირფიტები თეთრი ან მოყვითალო-თეთრი. ფეხი 4-8 სმ სიგრძისაა და 1-8 სმ სისქისაა, ცილინდრულია, ძირისკენ წვრილდება, სიგრძივ ოდნავ დანაოჭებულია; თეთრია. რბილობი თეთრია, მოტკბო გემოთი. სპორები მსხლისებური, წვრილხორკლიანი ზედაპირით, უფერული, 6-8X5-7 მკმ. იზრდება ნიადაგზე წიწვოვან და ფოთლოვან ტყეში ზაფხულ-შემოდგომით. გამოიყენება საჭმელად ახალი და დამწნილებული.^[1]